Од среда повторно ќе се наплатува за паркирање во катната гаража „Судска палата“
Катната гаража „Судска палата“ која повеќе од еден месец е бесплатна, од среда ќе почне повторно да наплатува за паркирање, информираше денеска директорот на Паркинзи на општина Центар (ПОЦ), Васко Кичевски.
Имено, гаражата повеќе од еден месец беше бесплатна поради проблеми со осветлувањето. Истата беше за возила до 18 часот, а потоа, поради намалување на безбедноста, истата се затвораше.
Санацијата на дефектот се пролонгираше поради процедурите, кои налагаат да се чека одобрување на средства за итност од бирото за јавни набавки, за да може да се објави тендер за санација, информираат од ПОЦ.
Во меѓувреме канцелариите на ПОЦ беа преместени кај Градски ѕид, позади Аутомакедонија.