Од што се состои дневното мени на Амал Клуни и кои се нејзините омилени јадења
Амал Клуни (42) е една од жените кои навидум имаат сè. Неверојатна кариера како адвокат за човекови права, прекрасен сопруг и две деца, тригодишните близнаци Александар и Ела.
Но, Амал има и нешто друго за што постојано се зборува во холивудските кругови, а тоа е нејзината витка фигура на супермодел. Што и да облече таа, едноставно изгледа совршено. Па, секој би се запрашал од што се состои дневното мени на сопругата на актерот Џорџ Клуни, која како воопшто да не старее?
Амал вели дека сака да појадува здраво, па наутро обично јаде супа од алги, која е богата со минерали, а понекогаш сака да се „почести“ со варени јајца. Исто така, за почетокот на денот вели дека понекогаш јаде риба подготвена на медитерански начин.
На нејзиното мени како што вели Клуни нема да видите овесни снегулки или мусли преполни со шеќер.
Иако ретко дава интервјуа, таа во 2018 година за магазинот „Vogue“ откри кои се нејзините омилени јадења.
„Амал ме однесе во кујната каде што нејзиниот готвач подготвуваше ручек. Имаше шпагети со мисиркино месо, пилешки гради, салата со сос од лимон“, напиша еден новинар на „Vogue“.
Изборот за вечера обично е индиска кујна, суши или италијанска храна. Амал изјави дека нејзиниот најголем „грев“ се пуканките кои ѝ се омилена „здрава“ заскуска затоа што сепак не содржат глутен.