Рускиот опозиционер Алексеј Навални ја добива неопходната медицинска нега во однос на неговата медицинска состојба, соопштено е денеска од Казнено-поправниот дом во регионот Владимир.

„Затвореникот Навални ја добива неопходната медицинска помош во однос на неговата моментална дијагноза“, се наведува во соопштението од управата на затворот, а пренесува ТАСС.

Навални денеска најави штрајк со глад жалејќи се на неадекватна медицинска нега во затворот.

Навални почна штрајк со глад: Рускиот опозиционер бара медицинска помош во затворот

Меѓутоа, управата на затворот оцени дека се однесува спрема Навални во согласност со законот и дека тоа важи за сите затвореници.

„Чуварите во затворот стриктно набљудуваат дали нечии права се загрозени и се води сметка да им се обезбеди осумчасовен сон“, се додава во соопштението.

Извор: Блиц.рс