Од почетокот на годината 300 масовни престрелки во САД: Масакрот во Чикаго ги потсети Американците дека никој не е безбеден
Викендов, Хајленд Парк им се придружи на Увалде, Колумбан, Њутаун и Паркланд во долгата листа на градови и населени места кои ќе останат запаметени по грозоморните масовни убиства во кои загинаа невини луѓе и многу деца.
Убиството на шест лица во Чикаго е едно од неколкуте масовни престрелки што се случија во земјата за време на викендот на Денот на независноста на САД, покажуваат податоците на непрофитна организација која ги следи инцидентите во кои е употребено огнено оружје.
Од почетокот на годината досега се случија најмалку 311 масовни престрелки во САД
Организацијата терминот масовното пукање го дефинира како пукање во кое напаѓачот застрелал најмалку четири лица.
Минатата година беше најлошата во историјата на САД од 2014 година, од кога организацијата води евиденција. Во 2021 година имало најмалку 692 масовни престрелки.
Последното во серијата престрелки, вчерашниот напад за време на парадата на четврти јули во Хајленд парк во Чикаго уште еднаш ги потсети Американците дека никој никаде не е безбеден, дури и за време на националниот празник.