Од малолетна проститутка до црвениот тепих во Кан
Захиа Дехар е најпознатата француска проститутка која во центарот на вниманието на јавноста дојде пред една деценија поради фудбалските репрезентативци, Френк Рибери и Карим Бензема, а денеска гордо чекори на црвениот тепих во Кан.
Најтешките денови за Захиа Дехар се зад неа, откако пред девет години, јавноста откри дека сексуални услуги им давала на Рибери и Бензема. Тогаш 15-годишната малолетната проститутка имаше сексуални односи со двајцата фудбалери, но самата Захиа им зборувала дека не е малолетна, и има 18 години. Поради тоа, двајцата фудбалери беа ослободени од обвинението, а Захиа Дехар призна дека била роденденски подарок за Рибери за што добила 700 евра.
По „фудбалската афера“, почна да работи како фото модел, на модна ревија дури носеше модели и на светски познатиот Карл Лагерфелд, а сега веќе се испроба и во филмската индустрија. Захиа Дехар ја игра главната улога во филмот „Лесна девојка“ на режисерката Ребека Златковски, со која се појави на филмскиот фестивал во Кан.
