Иницијаторите на меѓународната програма Ковакс, чија цел е рамномерна дистрибуција на вакцини против коронавирусот, побараа помош од владите и приватниот сектор за да се реализира планираната испорака на две милијарди дози во 2021 година.

Во апелот на иницијаторите на тој механизам, вклучително и Светската здравствена организација и УНИЦЕФ, се наведува дека, за разлика од земјите кои напредувале во процесот на вакцинирање на населението, епидемиолошката состојба во остатокот од светот е загрижувачка, особено по брзото ширење на инфекцијата во Јужна Азија.

Тие наведоа дека преку програмата Ковакс се испорачани повеќе од 70 милиони дози во 126 земји и територии низ целиот свет и дека 35 земји ја добиле првата вакцина благодарение на тој механизам.

Милиони долари и дози на вакцини беа ветени на самитот на донатори на 21 мај, со што досега се обезбедени на 150 милиони дози, се наведува и се додава дека сега е императив да се обезбедат средства и вакцини за сиромашните земји на самитот на Ковакс на 2 јуни.

Со цел да се испорачаат две милијарди дози вакцини во 2021 година и 1,8 милијарди дози во 92 сиромашни земји до почетокот на 2022 година, владите и приватниот сектор мора итно да обезбедат нови извори на дози и средства за испорака, се вели во апелот.