Од комарците нема спас: Со мраз и оцет намалете го чешањето
Речиси и да нема човек кој е имун на убодите од малите натрапници што се најопасни навечер или пак најмногу касаат тогаш кога се наоѓате во непосредна близина на вода.
Првата мисла што ќе ви падне на памет, а во обид да се заштитите од убодите на комарците е да се испрскате или пак да се намачкате со одредени креми и спрејови што се продаваат во аптеките и служат токму за таа намена.
Сепак, доколку не сакате својата кожа да ја третирате со најразлични хемикалии, обидете се со неколку природни намирници да се заштитите себеси од убодите на комарците, а ако веќе „сте настрадале“ од овие мали инсекти, еве како побрзо да престане да ве чеша веќе надразнетото место.
Мраз
Само една коцка мраз може да ви го опушти мускулот на кој веќе е направен убодот. Сè што треба да направите е нежно да го триете местото со мразот.
Оцет
Доколку не во пречи мирисот на оцетот, еден час пред да излезете препорачливо е да ги намачкате деловите од телото што нема да ви бидат покриени со облека и на тој начин да бидете сигурни дека во рок од 3 до 4 часа нема да бидете „нападнати“ од гладни комарци.
Паста за заби
За да го намалите чешањето и да ја спречите појавата на отоци на иритираното место, намачкајте го со паста за заби. Ментолот што се наоѓа во пастата за заби ќе ги оддалечи здодевните комарци од вас.