Од Израел со срце: Донирани апарати за критични новороденчиња на Клиниката за детски болести
Министерството за здравство (МЗ) информира дека денеска на Kлиниката за детски болeсти беше предадена донација од амбасадата на Израел по иницијатива на амбасадорот Ден Ориан.
– Донацијата се состои од перфузори (инфузиони пумпи) за правилно дозирање на терапија и венвјуери за скенирање на вени кај критични новороденчиња. Со венвјуер апаратите за првпат ќе се врши одредување на пнеумоторакс односно зголемен воздушен притисок во бели дробови кај бебиња. Овие апарати ќе се монтираат во амбуланти возила за транспорт на критично болни деца, кои во државата треба да стигнат до крајот на 2021 година.
Денешната донација е дел од Перимак проектот на Проџект Хоуп во РСМ кој има за цел да го организира неонаталниот транспорт во државата и да ја редуцира перинаталната смртност. Овој проект е имплементиран со поддршка на МЗ и започна во 2017 година, информираат од МЗ.
Нашите најмали ја заслужуваат најдобрата здравствена заштита и нега. ❤️ Денеска, Амбасадата на Израел донираше апарати за критичните новороденчиња на детската клиника. Благодарност на амбасадорот Ден Ориан, нашата соработка продолжува и понатаму. ✊ pic.twitter.com/LZTGbZ4scY
— Венко Филипче (@VFilipche) January 20, 2021