Од денеска во Бугарија стапува на сила зелениот сертификат, илјадници деца остануваат дома

Онлајн настава / Фото: EPA-EFE/BOUGIOTIS VANGELIS

Од полноќ во Бугарија стапи на сила зелениот сертификат за КОВИД-19 за сите активности во затворен простор и за посета на сите јавни затворени места освен аптеки, банки и продавници за храна. Како што јави дописникот на МИА од Софија, сите ученици од 1 до 12 одделение во Софија, како и областите Видин, Габрово, Ќустендил, Монтана и Перник, се селат на онлајн образование.

„Зелен сертификат” е сертификат за завршена вакцинација, прележана болест или негативен тест за коронавирус, што ќе го издадат лабораториите во Бугарија. Министерот за здравство Стојчо Кацаров предупреди која лабораторија и да издаде лажни потврди ќе и биде одземена лиценцата и ќе одговара согласно законот. Со документот ќе може да се посетуваат кина, театри, концерти, трговски центри, фитнес центри, базени. На универзитетите во Бугарија исто така ќе се спроведува настава со физичко присуство само доколку студентите и професорите имаат зелен сертификат. Без зелен сертификат ќе биде можно да се користи јавен превоз и да се влезе во продавници за храна и аптеки, банки. Државната администрација исто така е ослободена од тоа.

Документот не е потребен ниту за наставниците. Сите вработени во старечки дом мора да имаат и зелен сертификат. Сертификат за деца под 12 години нема да биде потребен. Министерот за здравство на Бугарија, Стојчо Кацаров, коментираше дека доколку новите мерки не функционираат, претстои национално заклучување.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот