Од денеска скратен полициски час во Грција: Воскресението Христово, наместо на полноќ, ќе биде во 21 часот

epa08369785 A Greek Orthodox priest chants during the Good Friday procession of the Epitaphios, held without pilgrims, inside the late 5th-century church of Hosios David in the northern city of Thessaloniki, Greece, 17 April 2020. The Epitaph procession takes place in Greece behind the closed doors of the churches as a precaution against the spread of the SARS-CoV-2 coronavirus which causes the Covid-19 disease. EPA-EFE/DIMITRIS TOSIDIS

Во рамките на планот за постепено олабавување на мерките, од денеска, полицискиот час е скратен и наместо од 21, ќе почнува од 22 часот, а од следниот понеделник ќе биде за уште еден час пократок, јави дописничката на МИА од Атина.

Како за време на викендот, така и денеска продолжуваат контролите на полицијата на патарините на излез од големите градови, на меѓуградската автобуска станица и пристаништата во Атина со оглед на тоа дека сѐ уште постои забрана за движење меѓу региони, односно патување од еден во друг град, а Грците ќе треба оваа година Велигден да го поминат во нивните постојани места на живеење.

Полицискиот час ќе важи и за Велигден, кога Воскресението Христово, наместо на полноќ, ќе биде во 21 часот, а црквите и соборните храмови ќе работат под специјални здравствени протоколи, дозволено е едно лице на 25 метри квадранти во внатрешноста и едно лице на 10 метри квадратни, во надворешните делови.

За верниците е задолжителна употребата на две маски, додека пак за поповите, свештените лица и останатиот црковен персонал, денеска во Атина започна тестирање за Ковид-19 со брзи тестови.

Во недела, на Велигден, дозволен е собир на најмногу две семејства до девет лица, а доколку е во надворешен простор дозволени се 12 лица.

Од следниот понеделник, 3 мај заедно со отворањето на угостителските објекти ќе полицискиот час ќе биде од 23 часот, една седмица подоцна планирано е и отворање на основните и средните училишта, а 15 мај е терминот кога ќе се отвори туризмот и на Грците ќе се укине забраната за движење меѓу региони.

Грција веќе 170 дена е во карантин што беше воведен на 7 ноември 2020 година, а на почетокот на месецов почна постепеното укинување на мерките, но сепак, за граѓаните се уште е задолжително испраќање смс порака за секое движење.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот