Од денеска дожд и постудено, за викендот стабилизација
Времето денеска ќе биде променливо облачно со повремени врнежи од дожд. Пообилни врнежи, според УХМР, ќе има доцна попладне и во текот на ноќта кон петок (локално над 30л/м2) кога на места ќе биде и нестабилно со пороен дожд, грмежи и засилен ветер. Ќе дува умерен до засилен јужен ветер кој кон крајот на денот ќе се промени во северен. Максималната темпертура ќе достигне до 28 степени на југоистокот на земјава. Во Скопје и во Битола до 26, во Охрид до 21, во Штип до 27…
Дожд ќе има и утре претпладне, а ќе дува и засилен северен ветар, па утрешната максимална температура ќе достигне само до 20 степени. За викендот се очекува стабилизација и максимални температури в сабота до 23, а в недела до 24 степени. В понеделник во вечерните часови ќе има повремен дожд, а температурата ќе достигне до 22 степена.