Од денешното тестирање сите македонски репрезентативци се негативни на ковид-19

Ковид-проблеми во македонската ракометна репрезентација непосредно пред стартот на ЕП 2022/Фото: macedoniahandball.com.mk

Денеска (18.00 часот) македонската сениорска репрезентација ќе има уште еден контролен натпревар против Израел како последен тест пред заминувањето за унгарскиот Дебрецин каде што ќе ги играме натпреварите од Европското првенство.

Во текот на вчерашниот ден на првиот пријателски меч нашите најдобри ракометари славеа против Израелците.

Потсетување дека ривали во групата „А“ на ЕП во Дебрецин ни се Словенија, Црна Гора и Данска, а прв противник ни се Словенците на 13 јануари.

Како што е веќе познато, само вакцинирани ракометари може да играат на континенталниот собир, а дел од селекциите кои се токму наши противници се соочуваат со ковид-проблеми.

Најновата информација вели дека од денешното тестирање направено во утринските часови во македонската репрезентација сите се негативни на ковид-19.

Видео на денот