Од Црвена Звезда на позајмица во Работнички (ФОТО) – Слободен печат
СпортФудбал

Од Црвена Звезда на позајмица во Работнички (ФОТО)

Работнички непосредно пред домашните обврски го ангажираше напаѓачот Страхиња Крстевски (22), поранешниот младински репрезентативец на Македонија.

Крстевски доаѓа во Работнички како позајмен играч од редовите на српскиот шампион Црвена Звезда.

Со „романтичарите“ потпиша договор на една сезона и ќе го засили нападот во составот на Александар Влахо.

Ја започна кариерата во редовите на Пролетер Зрењанин, беше член и на бугарскиот тим Локомотив Софија, а минатата сезона го облече дресот на Црвена Звезда, по што беше позајмен во Графичар.

Новата сезона во Првата македонска фудбалска лига составот на Влахо ќе ја стартува в сабота на гостувањето кај Струга Трим Лум (17.30 часот).

Во летните подготовки тимот одигра пет пријателски средби, забележа една победа, претрпе еден пораз и трипати ремизираше.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close