Обврска од август: Банките и штедилниците со прецизни информации за кредитните услови

Фото: Fotostand / K. Schmitt / AFP / Profimedia

Од почетокот на август, банките и штедилниците ќе треба на видно место на своите веб-страници да ги објавуваат условите за банкарските производи за населението.

Податоците ќе треба и редовно да се ажурираат, а најмалку еднаш во тримесечјето. Објавата ќе ги опфати најрепрезентативните видови потрошувачки и станбени кредити, како и видовите депозити за населението.

Покрај основните информации, како рочноста, валутата и каматната стапка, предвидено е објавите да вклучуваат и дополнителни подетални информации (какви што се висината на стапката на вкупните трошоци кај потрошувачките кредити и трошоците коишто не влегуваат во оваа стапка, видот на обезбедувањето и минималниот сооднос обезбедување/кредит кај станбените кредити, можноста за предвремено разрочување кај депозитите и други).

Ова е содржано во новите Насоки, а на кои се потпишаа гувернерката на Народната банка Анита Ангеловска-Бежоска и претседателката на Македонска банкарска асоцијација (МБА), Маја Стевкова-Штериева.

Потпишувањето на овој документ во банкарскиот сектор е прв и значаен чекор од спроведувањето на првата национална Стратегија за финансиска едукација и финансиска инклузија, којашто неодамна беше усвоена од финансиските регулатори.

Бројки

4,79 милијарди денари изнесувала добивката на ЈП Државни патишта во 2020 година

410 милиони денари лани заработила АД Државна лотарија, а заработката на МРТ изнесувала 74,5 милиони денари

385 милиони денари лани загубила „М-НАВ“, која секогаш во минатото имаше големи приходи

 

Видео на денот