Антикорупциската комисија на денешната седница отфрли пријава која до нив била доставена за наводно фалсификуван ТОЕФЛ сертификат за познавање англиски јазик и истата му ја праќа на Основното јавно обвинителство.

Причината според Антикорупциска е тоа што за да се утврди дали сертификатот е фалсификат или не, потребни се предистражни дејствија и затоа Антикорупциска ќе ја отфрли пријавата и ќе ја достави до ОЈО.

На седницата на Антикорупциска се разгледуваа повеќе предмети меѓу кои и тој за пратеник во Собранието кој не поднел изјава за тоа каков имот поседува како што налага законот. Нему му бил изречен платен налог за направениот прекршок, кој си го платил. Друг пратеник кој исто така при почнување на мандатот не доставил изјава за имотна состојба и интереси до ДКСК, заработи прекршочен платен налог за прекршување на член 82 став 1 од Законот за спречување корупција и судир на интереси. Но, тој не платил глоба и му тече прекшочна постапка.