Обвинителот Донев: Задоволен сум од конечната одлука на Врховниот суд

Потврдени се затворските казни за тројцата осудени за набавката на луксузниот Мерцедес

Обвинителот од тогашното СЈО, Стевчо Донев, кој го застапуваше предметот „Тенк“ во судницата, е задоволен од одлуката на Врховниот суд, со која се потврдени пресудите од Апелациониот суд за Никола Груевски, Гордана Јанкуловска и Ѓоко Поповски.

– Добро е што се донесе конечна одлука од Врховниот суд за осудените од случајот „Тенк“, со што секако се потврдени и изречените казни, изјави кусо обвинителот Донев за Слободен печат.

Токму поранешниот специјален обвинител беше главен застапник на обвинението, а неретко во судницата се појавуваа и неговите помошници за случајот, Фатиме Фетаи, Гаврил Бубевски и Ленче Ристовска.

На прашањето зошто „Тенк“ е еден од ретките случаи покренати од СЈО кои добија финална завршница и во последната судска инстанца, обвинителот Донев кратко одговори дека тоа е комплексно прашање во домашни услови, но фокусот треба да се стави на организацијата на судовите и дејствијата на одбраната.

Прочитајте и...  Шилегов за тунелите под Кале: Подобро да изгубите време во проектирање, отколку да ви се случи Кичево-Охрид

Во овој случај, поранешниот премиер Никола Груевски, за делото „противзаконито влијание“ беше осуден на две години затвор, а поранешната министерка за внатрешни работи, Гордана Јанкуловска, за кривичното дело „злоупотреба на службената положба и овластување“ заработи четиригодишна затворска казна. Со највисока казна, од шест години и шест месеци затвор, беше осуден поранешниот помошник-министер во МВР, Ѓоко Поповски, но потоа му беше намалена висината на казната на четири години и шест месеци. Тој бил надлежен за јавната набавка за луксузниот Мерцедес од безмалку 600 илјади евра.

Од тројцата осудени, единствено Поповски ја отслужува казната затвор. Груевски се наоѓа во Будимпешта и е недостапен за македонските правосудни органи, а министерот за правда Бојан Маричиќ неодамна истакна дека континуирано се испраќаат нови барања за негова екстрадиција до унгарските власти. На Јанкуловска и беше одобрено барањето за одложување на извршувањето на затворската казна, поради малото дете, но одложувањето трае се до моментот кога Врховниот суд ќе ја преиспита пресудата.

Прочитајте и...  Словенија би можела да испрати војска на границата со Хрватска

– Со донесените пресуди Врховниот суд на Република Северна Македонија ги одби поднесените барања на осудените, поднесени лично од нивна страна и преку нивните бранители и ги потврди пресудите на Апелациониот суд Скопје, соопштија денеска од Врховниот суд.

Поврзани вести

ВИДЕО: Панична реакција на премиерката на Исланд, среде интервју стресе земјотрес

Слободен печат

Брнабиќ со застрашувачка вест за Србија: Само вечерва имаме 400 заболени со ковид-19

Слободен печат

Видео: Енормно високи бројки на заразени во Франција

Слободен печат

Поради „постојана кашлица“: Меланија Трамп се откажа од патување во Пенсилванија

Слободен печат

Бугарски медиуми: Претседателот Радев во самоизолација по контакт со заразен со ковид-19

Слободен печат

Бучковски: Бугарија ќе направи историска грешка ако ја блокира нашата земја на европскиот пат

Слободен печат

Остави Коментар