Обвинет за трговија со дрога, се бараат 12 години затвор за поранешен албански министер
Албанското Обвинителство за тешки злосторства бара 12 години затвор за поранешниот министер за Внатрешни работи на Албанија, Саимир Тахири.
Според информациите на Визион Плус ставот на обвинителите е даден денеска за време на судското рочиште во просториите на Судот за тешки злосторства.
Ова судска инстанца, на последната седница пред летните одмори, го прими барањето за скратена пресуда на поранешниот министер Тахири.
Поранешниот министер, заедно со Јаелд Чела, поранешен директор на полицијата во Валона, Сокол Боде, поранешен полициски офицер и Ѓерѓ Кохила, поранешен полициски офицер, се обвинети за кривични дела „трговија со наркотици“ во соработка со структурирана криминална група.