Со цел да се подобри квалитетот на правдата, Мисијата на ОБСЕ во Скопје потпиша Меморандум за разбирање со Академијата за судии и јавни обвинители (АСЈО). Со тоа, мисијата ќе обезбеди напредна обука за судии и обвинители со посебен фокус на зајакнување на борбата против организираниот криминал, корупцијата и дискриминацијата.

– Нашата обука е насочена кон поквалитетни обвиненија, како и кон зголемување на конфискацијата на имотот стекнат преку криминални активности – рече Килијан Вал, шеф на Мисијата на ОБСЕ во Скопје.

Според него, и двете аспекти се многу важни за ефикасна борба против организираниот криминал и корупцијата.

– Тоа значи дека криминалците ќе добијат повисоки казни и нема да можат да уживаат во незаконски стекнатото богатство – објасни тој.

Меморандумот за разбирање е со времетраење од три години. Мисијата на ОБСЕ во Скопје ќе го следи спроведувањето на курсевите за обука преку нејзината програма за мониторинг на судски процеси.

– Ние сме благодарни за поддршката што ја добиваме од Мисијата на ОБСЕ во Скопје. Преку нашите заеднички напори, ќе инвестираме во квалитетот на тековните и идните правни професионалци, што ќе го подобри правосудниот систем – заклучи Наташа Габер Дамјановска, директорка на Академијата.