Обрадовиќ: НБА е „мафија“, не сакам таму да работам!
Најтрофејниот европски кошаркарски стратег Жељко Обрадовиќ не планира да води клуб во НБА лигата, тоа не го интересира, бидејќи таму „мафијата“ не дозволува да работат европските тренери.
Долги години поминаа, но Обрадовиќ остана во Европа, а како што стојат нештата, на Стариот континент ќе ја заврши и тренерската кариера.
– Задоволен сум од животот во Европа и не мислам на НБА. Знам дека тоа е најдобрата лига на светот и дека организацијата е неверојатна, но Европа е процес, од година во година се развива…Невозможно е да бидат достигнати поради парите кои ги вложуваат таму, но и Евролигата е на едно многу високо ниво. Оваа наша кошарка е можеби поинтересна од НБА, тоа навистина го мислат многу луѓе – рече Обрадовиќ за „Спортандо“.
Се надева дека еден еден европски тренер ќе замине во НБА и ќе ги покаже сите вештини.
– Потсетете се што се случи пред тоа. Мајк Дантони е Американец, а роден и порасна во Европа. Потоа, Дејвид Блат е Американец, следува Игор Кокошков кој таму работеше 20 години пред да добие шанса да води НБА тим. Нема европски тренер. Знаете зошто? Бидејќи НБА е „мафија“ – додаде Обрадовиќ.