ОБОЖАВАТЕ ОВОШЈЕ? Внимавајте да не си наштетите со премногу фруктоза
Многумина го заменуваат појадокот со овошје или овошно смути, но дали таквиот избор е толку здрав колку што ни се чини.
Факт е дека колку и да ни е вкусно, можеме да претераме со внесената количина овошје, кое содржи фриктоза, која пак може да предизвика низа проблеми со работата на организмот.
Всушност, во 20-30% од случаите на замастен црн дроб се должи на претеран внес на овошје.
Препораката на нутриционистите е да се внесуваат пет порции овошје и зеленчук во текот на денот, со тоа што зеленчукот има предност. Бананите, јаболката и сливите имаат многу повеќе шеќер во споредба со цитрусите и шумското овошје.
Исто така, овошните киселини може да наштетат на дигестивниот систем, па поради тоа овошјето е подобро да се јаде по појадокот, наместо него.
Што се однесува на овошните пијалаци, нутриционистите не ги препорачуваат, бидејќи во течна форма ги консумираме во поголема количина од препорачаната, а со тоа внесуваме и многу повеќе шеќер од препорачаните дневни дози.