Објавете му војна на холестеролот: Диета што може да ви го спаси животот
Лекарите објаснуваат дека 20 грама дневно производи богати со влакна се доволно за да се регулира нивото на холестерол. Тие тврдат дека по консумирањето житарки секој ден во период од три месеци, нивото на холестерол се намалува за околу 12 отсто.
На ризикот на срцеви болести влијаат многу фактори – цигарите, дијабетесот, високиот крвен притисок, дебелината, но и зголеменото ниво на холестерол, кои стручњаците го сметаат за клучен. Кардиолозите објаснуваат дека постојат многубројни случаи лицата што имаат нормално ниво на холестерол, исто така да го преживеат срцевиот удар. Без оглед на тоа, животниот стил и начинот на исхрана се од клучна важност за намалување на ризикот. Исто така, тие нагласуваат дека не е поентата во тоа едноставно да престанете да јадете сѐ што сакате.
Во книгата „Изеди го својот пат до понизок холестерол“ (Eat your way to lower cholesterol), лекарите Лора Кар и Ијан Марбер направиле список на одредени производи што можат да помогнат во регулирање на нивоата на холестерол, а тоа се: влакна, здрави масти, соја, јаткасто овошје, житарки и некои млечни производи.
Влакна – Житарките се најбогати со овие влакна, но исто така и триците, гравот, оревите, семките, зеленчукот и овошјето во себе содржат мноштво природни влакна. Лекарите објаснуваат дека околу 20 грама дневно производи богати со влакна се доволно за да се регулира нивото на холестерол. Тие тврдат дека по консумирањето на овие продукти секој ден во период од три месеци, нивото на холестерол се намалува за околу 12 отсто.
Здрави масти – Здравите масти се клучен дел на избалансираната исхрана. Постојат два вида масти – заситени и незаситени. Кога станува збор за намалување на холестеролот, треба да се фокусирате на внесот на незаситени масти, кои најмногу ги има во маслиновото масло и маслото од маслена репка. Потребно е да се внесуваат дневно околу 25 милилитри (две лажици) од овие масла. Лекарите препорачуваат маслото да го внесувате така што ќе го прелиете преку салатата или да го користите во приготвување на храната. Здравите масти, всушност, не го намалуваат нивото на лошиот (ЛДЛ) холестерол, но го зголемуваат нивото на добриот (ХДЛ) холестерол, што е еднакво корисно во зачувувањето на здравјето на срцето.
Соја – Сојата, соиното млеко и производите направени со млеко од соја (јогурти, сирења…) се исклучително важни за намалување на нивото на холестерол. Овие продукти во себе содржат заситени масти и протеини. Количина од околу 30 грама дневно продукти врз база на соја или сојино млеко, го намалуваат нивото на холестерол за еден отсто.
Јаткасто овошје – Бадемите, оревите и бразилските ореви, лешниците, ф’стаците… имаат исклучително добри ефекти во намалувањето на нивото на холестерол. Јаткастото овошје е богато со природни влакна, незаситени масти и со витамин Е. Доволно е да изедете околу 30 грама дневно (приближно една шака јаткасто овошје).
Житарки – Муслите или житарките во себе содржат растворливи влакна што се нарекуваат бета-глукан, а кои имаат важна улога во регулирањето на нивоата на холестеролот. Доволни се само три грама бета-глукан дневно, за да се намали холестеролот за околу пет отсто. Во колачите или чоколадите врз база на житарки, во просек има околу еден грам бета-глукан, а во парче овесен леб околу 0,5 грама.
Млечни производ – Јогуртот, разните млечни производи, во себе содржат станоли и стероли – две природни супстанции што помагаат во редуцирањето на нивото на холестеролот. Би требало да внесувате два грама дневно од овие супстанции – станол и стерол, а лекарите тврдат дека на тој начин по три месеци нивото на холестеролот се намалува за околу 15 отсто.
Лекарите објаснуваат дека, кога станува збор за намалување на нивото на холестерол, најчесто се зборува за тоа кои продукти не треба да се консумираат. Според нивното мислење, уште поважно од тоа е да знаете кои продукти да ги вклучите во исхраната.