ОБЈАВЕНИ СНИМКИ ОД ПУКАЊЕТО: Убиени напаѓачите од Њу Џерси, меѓу мртвите и полицаец (ВИДЕО)
Вкупно шест лица, помеѓу кои полицаец и случајни минувачи, се убиени во пукање кое се случи вчера на улиците во Џерси Сити, во американската држава Њу Џерси, а на социјалните мрежи сега се појави и снимка од инцидентот.
Камерите го забележале моментот кога двајца вооружени напаѓачи влегле во супермаркетот каде се случило пукањето, како и луѓе кои во паника бегаат од местото на настанот.
https://twitter.com/Breaking911/status/1204819147890331648
Во пукањето се повредени и три лица, помеѓу кои двајца полицајци и еден цивил, додека напаѓачите биле ликвидирани, информирал шефот на локалната полиција Мајкл Кели.
Инцидентот се случи во вторникот во центарот на Џерси Сити, каде живеат околу 270.000 жители. Покрај во супермаркет, пукање било регистрирано и во околните гробишта.
Мотивот за нападот не е познат, а според првичните информации, нападот не се поврзува со тероризам.
https://twitter.com/Breaking911/status/1204842804431785985