Француските медиуми на еден ден пред свечената церемонија ги открија резултатите и веќе на тој начин се знае дека „Златната топка“ повторно ќе заврши во рацете на Лионел Меси (Барселона).

„Дејли Мирор“ објавува дека листата на резултатите (не е познато дали е официјална) се шири и низ социјалните мрежи, Меси е на врвот со 446 поени, пред ван Дајк со 382.

И тренерот на Барса, Ернесто Валверде верува дека Аргентинецот заслужува да го добие ова престижно признание.

❗There is a 'leaked Ballon d'Or rankings' list leaked by an anonymous source earlier on Twitter today, in which Messi wins the award. pic.twitter.com/Uifzhxa5ov

— Barca Universal (@BarcaUniversal) November 30, 2019

– Претпоставувам дека мојот глас ќе биде и како вашиот, за најдобриот. Секоја година се бира за оној кој ја одбележа сезоната. Но, доколку таа мора да заврши во рацете на најдобриот, само дајте му ја на Меси и проблемот е решен – рече Валверде.

Главни конкуренти на првата ѕвезда на каталонскиот клуб се одбранбениот фудбалер на Ливерпул, Виржил ван Дајк и напаѓачот на Јувентус, Кристијано Роналдо.

Годинава Меси се закити со наградата за најдобар фудбалер во изборот на ФИФА.

Во актуелната сезона досега одигра 13 натпревари во сите натпреварувања, постигна 10 голови и запиша осум асистенции.