Објавена нова фотографија на кралицата Елизабета и нејзините наследници

Ова е вторпат да се објави фотографија на кралицата и тројцата идни монарси.

Бакингемската палата објави нова фотографија на кралицата Елизабета Втора со нејзиниот син принцот Чарлс, внукот принц Вилијам и правнукот принц Џорџ, со што кралското семејство го одбележува почетокот на новата деценија.

Ова е вторпат да се објави фотографија на кралицата и тројцата идни монарси.

Кралицата Елизабета Втора на фотографијата носи бел фустан и црна ташна. Принцот Чарлс и принцот Вилијам се во костуми, додека принцот Џорџ е во бела кошула и зелени карирани панталони.

Фотографијата е направена од фотографот Раналд Мекешни во Бакингемската палата минатиот месец.

Тој ја направи и претходната фотографија од четири генерации на кралското семејство, која беше објавена во април 2016 година за да го одбележи 90-тиот роденден на кралицата, а подоцна беше преработена во специјални меморијални поштенски марки.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот