Мажите од Ирска и жените од Германија се прогласени за најнепривлечни во светот, според податоците добиени од Интернет страницата со седиште во Лос Анџелес, која е позната по тоа што најпрвин „проверува“ дали луѓето што побарале да им се приклучат се убави или не, а потоа им дозволува само на оние што според нив се убави да станат нивни членови.

Токму оваа интернет страница наведува дека, според нив, најгрди се мажите од Ирска како и жените од Германија, додека, пак, Британците се рангирани на 18-то место од 21 земји чиишто жители биле земени предвид.

Исто така, Швеѓанките и Норвежанките имаат најмногу одобрени барања за „влез“ на овој сајт, па според нивните мерења важат за едни од најубавите во изборот од 21 земја, а од мажите најмногу прифатени членови има од Бразил и од Данска, што значи дека мажите што доаѓаат од овие земји се и најпривлечни.