Објавена листа на 100 највредни компании во светот – меѓу нив нема ниту една германска

Германија, германско знаме, Рајхстаг, Берлин, Бундестаг
Фото: EPA-EFE/FELIPE TRUEBA

Ако до 2007 година меѓу 100те први компании во светот влегуваа дури 7 германски, според последната анализа годинава за прв пат ниту една германска компанија не влезе во ранг листата на консултантската компанија EY.

Највисоко според ова рангирање котираат компаниите од нафтената индустрија и ИТ секторот.

Меѓу првите 10 се Микрософт, Алфабет, Амазон, Тесла, Мета…

Највредна европска компанија е швајцарската „Нестле“ и го зазема високото 20то место.

Според ревизорските извештаи кон крајот на 2007 година, пред финансиската криза дури 46 европски компании беа рангирани на оваа листа на 100 највредни, а според најновите истражувања остануваат само 16.

Падот на цените на светските берзи предизвикан од руско – украинскиот конфликт, загриженоста од рецесија и растечките каматни стапки ги избришаа големите вредности во првата половина на 2022 година.

Наспроти овој тренд, нафтената и гасната индустрија се искачија меѓу првите, а нивната берзантска вредност порасна за 19 отсто.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот