Објавена е првата фотографија на Кристен Стјуарт како принцезата Дајана во филмот „Spencer“
Кристен Стјуарт ќе ја толкува принцезата Дајана во претстојниот филм „Spencer“, а многумина веќе ја коментираат необичната сличност на актерката со принцезата.
Во јуни минатата година беше откриено дека Стјуарт ја добила главната улога во филмот кој ќе го драматизира „критичниот“ викенд во раните 90-ти години, кога Дајана одлучи дека нејзиниот брак со принцот Чарлс очигледно не функционира.
Додека објавувањето беше исполнето со различни рекации, вклучително и бес поради неуспехот да се најде соодветна британска актерка за филмот, фотографијата што вчера беше објавена ги воодушеви филмските критичари кои ја воочија неверојатната сличност на ѕвездата родена во Лос Анџелес со Дајана.
Кристен изгледа неверојатно на фотографијата на која гледа низ прозорец, а носи копија од црвениот капут и шапка која ја носела принцезата.
Сценариото напишано од британскиот сценарист Стивен Најт, кој исто така е сценарист на хит серија „Peaky Blinders“, ги следи моментите во кои принцезата од Велс сфаќа дека мора да „скршне“ од кралската патека.
Приказната, се вели дека се случувала во текот на три дена за време на еден од последните Божиќни празници на Дајана во Сандрингем во Норфолк, Англија.
Филмот нема да ја „истражува“ трагичната смрт на Дајана, туку наместо тоа, се фокусира на нејзиниот брак со Чарлс и љубовта на Дајана кон своите деца, прицнот Вилијам и принцот Хари.
„Одлучивме да влеземе во приказната за идентитетот и околу тоа како една жена одлучува да не биде кралица“, вели режисерот.
Кога веста за филмот беше објавена, на социјалната мрежа „Твитер“ имаше премногу прашања и коментари во врска со изборот на актерката која ќе ја толкува принцезата.
Чилеанскиот режисер Пабло Лараин, ја бранеше својата одлука Дајана да ја игра американската актерка.
„Кристен е една од најголемите актерки на денешницата“, изјави за „Deadline“.
Тој воедно објасни дека актерката може да биде многу мистериозна и многу кревка, а воедно и многу силна и дека тоа е она што му е потребно.
„Комбинацијата од тие елементи ме натера да размислувам за неа. Начинот на кој таа одговори на сценариото и како се приближува до ликот е многу убаво да се види. Мислам дека таа ќе стори нешто зачудувачко, а истовремено интригирачко“, објасни тој.
Во октомври минатата година, Кристен призна дека одамна на била толку возбудена за некоја улога. Актерката воедно истакна дека е вознемирена поради улогата во новиот филм „Spencer“, особено заради совладувањето на акцетот на покојната принцеза.
„Акцентот е предизвикувачи, затоа што луѓето го знаат тој толку посебен глас“, изјави актерката која воедно додаде дека напорно работи на тоа и веќе има тренер со кој го совладува акцентот.
„Тоа е една од најтажните приказни што постоела досега, и не сакам само да ја играм Дајана – сакам имплицитно да ја запознаам“, вели Стјуарт.