Обид за самоубиство во Загреб: Врие од полиција околу зградата на Колинда Грабар Китаровиќ, распоредени снајперисти на околните згради
Дојава за лице кое сака да изврши самоубиство во зградата во која живее и поранешната претседателка Колинда Грабар Китаровиќ добила хрватската полиција, пренесуваат тамошните медиуми.
Тоа било причина за влез во објектот на тешко воорушени припадници на две единици за антитероризам со кучиња, објави „24сата.хр“ и додава дека на терен се најмалку 10 возила, односно дека местото е полно со полиција.
Медиумот наведува дека областа е преплавена со полиција, а по околни згради биле распоредени и снајперисти.
Според дел од хрватските медиуми, семејството на поранешната хрватска претседателка во моментот не е во зградата, бидејќи Грабар Китаровиќ волонтира во Петриња, град кој изминатиот период беше погоден од серија земјотреси.