Обид за државен удар во Судан
Суданските власти денеска објавија дека е извршен неуспешен обид за државен удар и дека армијата продолжува да ја контролира земјата.
“Се е под контрола. Револуцијата е победник”, напиша член на владејачкиот воено-цивилен совет, Мохамед ал-Фики Сулиман, на Фејсбук, а исто така ги повика Суданците да ја заштитат транзицијата, пренесува Би-Би-Си.
Неименуван воен функционер изјавил дека голем број војници од оклопната бригада стојат зад обидот за државен удар и дека се обиделе да заземат неколку државни институции, вклучително и зградата на радиото и телевизијата, но дека тие биле спречени да го сторат тоа.
حاولوا السيطرة على مبنى الإذاعة والتلفزيون.. السلطات السودانية تعلن إحباط محاولة انقلابية قامت بها مجموعة عسكرية
التفاصيل: https://t.co/nDsGhEKQ61#الشرق #الشرق_للأخبار pic.twitter.com/nCIcVT0nHn— Asharq News الشرق للأخبار (@AsharqNews) September 21, 2021
Извештаите од главниот град Картум и блискиот Омдурман соопштија за интензивната воена активност, како и за затворените мостови што водат низ Нил.
Судан е на кревок пат кон демократска власт од соборувањето на долгогодишниот владетел Омар ал Башир во април 2019-та година, по четиримесечни масовни протести. Сега земјата е управувана од заедничка цивилна и воена влада која се соочува со огромни економски и безбедносни предизвици.