Обединето Кралство, а различни правила: Самоизолација во Шкотска и Велс, но не и во Англија и С. Ирска
Луѓето кои патуваат во Велика Британија се соочуваат со конфузија, истакна министерот за сообраќај, бидејќи Шкотска и Велс воведоа самоизолација за патниците од Португалија додека таква рестрикција не постои во Англија и во Северна Ирска.
Патниците од Португалија, Гибралтар, Француска Полинезија како и од грчките острови Миконос, Закинтос, Лезбос, Парос, Алтипарос и Крит, во Велс од денеска ќе мораат во самоизолација. Истата мерка во Шкотска ќе стапи во сила од утре и ќе се однесува на лица од Португалија и Француска Полинезија.
– Сфаќам дека непостоењето на едно правило создава забуна кај луѓето, но принудени сме на ваков одвоен пристап ширум Обединетото Кралство, па јас можам да бидам одговорен само за англиското тло, рече министерот за сообраќај Грент Шапс за „Скај Њуз“.