Барселона е во потрага по замена за Луис Суарез за кого сезоната е завршена и иако се шпекулираше со неколку имиња во последните неколку денови, денеска е најавена вистинска трансфер бомба.

Пјер Емерик Обамејанг може до крајот на зимскиот преоден рок да го напушти Арсенал и да се пресели во Барселона.

Новиот тренер на Барселона, Кике Сетиен, токму во Обамејанг ја гледа идеалната замена за Суарез кој може веднаш да има важна улога во играта на каталонците.

Обамејанг сезонава постигна 14 гола за Арсенал, а договорот со „топчиите“ му истекува идното лето. Барселона ќе се обиде да го реализира трансферот со тоа што освен пари ќе понуди и некој играч.

Доколку Обамејанг потпише за Барселона, ќе го прекрши ветувањето кое му го даде на својот дедо, дека еден ден ќе го носи дресот на најголемиот ривал на каталонскиот клуб, Реал Мадрид.