Обамејанг доби совет да го напушти Арсенал!?
Првиот човек на фудбалот во Габон, Алан Мунгуенги вели дека „топчиите“ немаат амбиции во Европа и го советува Обамејанг да оди во „поголем клуб“.
Пјер-Емерик Обамејанг е еден од најважните играчи на лондонскиот клуб, но како што стојат работите тешко дека нешто големо ќе освои во Арсенал.
Тој е роден во Лавал (Франција), но настапува за најдобрата фудбалска репрезентација на Габон.
– Моментно е во Арсенал и ништо не освои, и тоа е колективен неуспех. Не сакам да кажам дека Арсенал не е амбициозен, но тој клуб нема амбиции во Европа – рече претседателот на Фудбалската федерација на габон, Пјер Алан Мунгуенги.
Arsenal's Aubameyang must join more ambitious club – Gabon FA chiefhttps://t.co/bq8s2I7O5x https://t.co/bq8s2I7O5x
— The Star (@staronline) April 11, 2020
За услугите на Обамејанг се шпекулира дека интерес покажуваат екипите на Интер и Барселона. Лани постигна 22 голови во Премиер лигата, додека во оваа до прекинот на оваа сезона поради пандемијата на коронавирусот запиша 20 погодоци во сите натпреварувања.
– Доколку би можел да обезбеди договор со поамбициозен клуб, сигурно би се вклопил. Сите луѓе од Габон би сакале да го видат Обамејанг на тоа ниво и така би можел да ја заврши кариерата во голем клуб со некој голем трофеј – додаде првиот човек на фудбалот во Габон.
Овој 30-годишен напаѓач има бројни индивидуални признанија, член е на „топчиите“ од 2018 година и досега со клубот не успеа да освои ниту еден трофеј, односно беше само по еднаш финалист во Лига купот и Лига Европа.
Пред да се пресели во Англија беше дел од Бордо со кој дојде до трофејот во францускиот куп, а потоа уште подобро се промовираше во фудбалскиот свет во дресот на Борусија Дортмунд освојувајќи ги германскиот куп и Суперкуп.