НУК: Протестите не се соодветен начин за изразување незадоволство во услови на пандемија

Ресторани, угостители/Фото: Слободен печат/Драган Митрески

 Независната угостителска комора (НУК) целосно стои зад барањата и забелешките на угостителите и туристичките субјекти, но останува резервирана околу простестите, со забелешка дека во услови на пандемија не се најсоодветен начин за изразување незадоволство.

Тоа е епилогот од денешната средба во Охрид на претставниците на НУК, предводена од претсеадалот Здравко Јосифоски, со претставнците на здружението на угостителите „Охридски еснаф” и претседатели на повеќе здруженија на угостители од земјата, во врска со нивните барања и протестот на угостителите и туристичките работници најавен за утре во Скопје.

Покрај утрешниот протестен собир што беше главна точка на дискусија, на средбата беа разгледувани и неколку прашања што се однесуваат на дејноста во овие вонредни околности наметнати од коронавирусот, најмногу на процесот и начините за доделување на националниот сертификат и печат „Clean&Safe” (Чисто и безбедно), како и обврските и одговорностите кои произлегуваат од добивањето на меѓународниот сертификат за „Safe Travels”, за која е добиено овластување од Министерството за економија.

Првиот објект со издаден таков сертификат во земјата е хотелот „Су” од Охрид, како гаранција дека објектот се придржува кон нормите и препораките на СЗО и националната Комисија за здравство.

Угостителите иа туристичките работници од Охрид, и на национално ниво остануваат зад ставот за потребата од нивна директна вклученост во донесувањето на сите одлуки, препораки и протоколи за работа во актуелните новонастанати услови.

Охридските угостители се свесни за реалноста од светската епидемија, но со мислење дека постои потреба од нивно вклучување во донесувањето одлуки за начинот за справување со кризата во браншата, што произлегува од нивната непосредна вклученост во проблематиката.

– Сметаме дека со учество во дискусиите со надлежните институции, па и при донесувањето соодветни мерки можеме да придонесеме за подобро справување како со епидемијата така и во намалувањето на негативните последици по браншата. Дури и кога се бара помош од некого, во случајов државата, тоа треба да биде основано, конкретно помошта да биде насочена во оној дел каде е најпотребна, истакна претседателот на „Охридски еснаф”, Михаил Мишев.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот