Њујорк забрани рекламирање алкохол

Американскиот град Њујорк забрани рекламирање алкохол на зградите кои се во сопственост на градот, а причина за тоа е дека „претераното консумирање алкохол претставува опасност по здравјето”.

Забраната, која веднаш стапува во сила, се однесува на автобуски станици, киосци, пунктови со безжичен интернет, но не и на места каде се продава алкохол, како што се ресторани, стадиони и концертни сали.

Иста таква одлука претходно донесоа градовите Филаделфија, Сан Франциско и Лос Анџелес.

– Одлуката за забрана рекламирање алкохол на зградите во сопственост на градот се потврда на нашиот ангажман за зачувување на здравјето и одлучноста да ја заштитиме благосостојбата на сите њујорчани, изјави градоначалникот Бил де Бласио.

Тој вели дека претходните студии покажале оти изложеноста на реклами за алкохол може да ги поттикнат поединците повеќе да пијат, а евидентиран е и раст на бројот на смртни случаи предизвикани од алкохол. Во текот на 2016 година, од болести или состојби поврзани со алкохол, како што се болести на црниот дроб или возење во алкохолизирана состојба починале речиси 2.000 жители на Њујорк.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот