Нухиу – Отвеј: Поддршка за успешно спроведување на владеење на правото и надеж за побрзо формирање стабилна влада

Фото: МИА

Министeрот за внатрешни работи Агим Нухиу денеска се сретна со заменик – шефот на мисијата на Обединетото Кралство на Велика Британија и Северна Ирска, Доминик Отвеј.

На средбата, соопшти МВР, се разговараше за соработката во голем број области од заемен интерес.

Истовремено соговорниците разговараа и за улогата на МВР во спроведувањето на парламентарните избори во државава и огромниот придонес во спроведувањето мирни избори без поголеми инциденти. Воедно се посочија и активностите кои Министерството за внатрешни работи во рамки на своите надлежности ги презема во справување со глобалната пандемија на Ковид – 19, како и останати предизвици од безбедносен карактер.

Од страна на Отвеј уште еднаш беше искажана поддршка за нашата земја во делот на успешно спроведување на владеење на правото и беше изразена надеж за побрзо формирање на стабилна влада што би гарантирала просперитет, брз економски развој и подобар живот за граѓаните, стои во соопштението од МВР.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот