1 C
Скопје

Новороденче и мајка меѓу новозаразените од Ковид-19, границите на ЕУ остануваат затворени за македонските државјани

Нови 126 случаи со Ковид-19 се регистрани во земјава во текот на изминатото деноноќие меѓу кои и новороденче и неговата мајка од Штип, како и четири болничарки и три медицински сестри од Прилепското гинеколошко-акушерско одделение. Поради зголемениот број на новозаразени во последните денови земјава не ги исполнува епидемиолошките критериуми на Европската Унија и нејзините граници остануваат затвоени за македонските државјани.

Согласно одлуките на ЕУ, и Грција ја продолжи забраната за влез на македонски државјани на нејзината територија, па така иако од денеска ќе биде отворен граничниот премин Евзони дозволени се преминувања само за есенцијални причини, односно за членови на семејства на европски државјани, вработени во здравствениот сектор, лица кои се грижат за стари лица, сезонските работници во земјоделскиот сектор, вработените во транспортот, дипломати, меѓународен воен персонал, хуманитарни работници кои се на должност, транзит патници, патници кои патуваат од неопходни семејни причини, студенти. Повторнио ревидирање на одлуката е најавено за 15 дена врз основа на епидемиолошката состојба.

Прочитајте и...  МВР го бара лицето што го запали бугарското знаме, може да добие затвор до 5 години

Најмногу од новодијагностицираните со коронавирусот 66 се од Скопје, 19 од Тетово, 15 од Штип, шест од Куманово, четири од Кавадарци, по три од Прилеп и Ресен, по два заболени има во Струга, Велес, Гостивар и Пробиштип и по еден во Битола и Свети Николе.

Починати се четворица пациенти, по еден од Скопје, Прилеп, Тетово и Гостивар, а Институтот за јавно здравје регистрира 48 оздравени пациенти 43 од Скопје, три од Ресен и по еден од Штип и Битола.

Вкупната бројка на Ковид дијагностицирани во нашата земја од почетокот на епидемијата изнесува 6.334, бројката на оздравени пациенти е 2.475, на починати е 302, а во моментов бројот на активни случаи во земјата изнесува 3.557.

Прочитајте и...  Забрчанец: Со транспаретност во борба против лажните вести

Гостиварскиот градоначалник и претседател на Општинскиот кризен штаб Арбен Таравари очекува влошување на состојбата со пандемијата во земјава по изборите, а како причина за тоа го наведува непридржувањето на протоколите за заштита од ширење на коронавирусот за време на предизборната кампања

– Мој впечаток, е и за жал можам да констатирам дека речиси никој не се придржува кон протоколите. Јас лично и во партијата каде што членувам ги почитуваме и го одржуваме пропишанотo растојание меѓу столчињата, меѓутоа повотрно има групирање на луѓе, а тоа е многу загрижувачко. Оваа појава не е присутна само во Гостивар, туку и секаде низ државата. Однесувањето за време на кампањата ќе ги даде резултатите за еден месец, оцени вчера Таравари.

Прочитајте и...  Под мотото „Трчаме и рецитираме“: Трка на поезијата на 23 мај во Струга

Поврзани вести

Ковид-19 повторно го „заклучува“ светот, рекордни бројќи на смртни случаи во Британија и Португалија

И.И.

Заев: Ние, мажите не смееме да бидеме неми сведоци на насилството врз жените и девојчињата

Слободен печат

Вибрации на тлото крај Пацификот: Земјотрес со јачина од 5,9 степени ја погоди Гватемала

Слободен печат

Маричиќ порачува: Подготвени сме за модерен попис, политиката подалеку од статистичката операција

Слободен печат

Грција го отвора продавниците, останува забраната за движење и полицискиот час

Слободен печат

Трамп планира да го напушти Вашингтон утрото на 20 јануари кога е инаугурацијата на Бајден

Слободен печат

Остави Коментар