Пекинг денеска спроведе кампања за тестирање на поголем број лица на ковид-19 откако во градот изби ниво жариште на инфекцијата, поради што се стравува од втор бран епидемија во Кина.

Благодарение на заострените контроли, носењето маски и мерките за карантин коронавирусот речиси исчезна од кинеско тло, откако кон крајот на 2019 година се појави ви Вухан, па откритието на ново жариште на еден пазар во главниот град ги изненади сите граѓани во Пекинг.

Изолирани 11 станбени објекти

Кинеското министерство за здравство во неделата објави дека во последните 24 часа се забележани нови 57 случаи на ковид-19 во земјата. Од нив 36 се во Пекинг.

Сите се изолирани од големиот пазар Ксинфади, кој главно продава месо, риба и овошје. Се работи за главно место за снабдување со свежа храна во градот.

Тоа откритие доведе до изолација на 11 станбени зони. Сепак се работи за мал дел на Пекинг, кој во неделата и натаму живее нормално, далеку од било каква психоза.

Сакаат да тестираат 46.000 луѓе

Канцеларијата на градоначалникот на Пекинг објави дека сака да тестира околу 46.000 луѓе (од 22 милиони, колку што живеат во главниот град) на 24 места за тестирање во престолнината.

Сите кои работат или недомна биле на пазарот Ксинфади мора да бидат тестирани. Досега е направено тестирање на 10.881 лице, велат властите.

„Бев неодамна на пазарот. Поради тоа сакам да бидам сигурно дека немам ковид-19“, рече една 32-годишна жена за АФП пред атлетскиот стадион на кој се организираше тестирање.

„Ако си позитивен, одиш во болница. Ако си негативен, мораш во изолација 14 дена“, појасни таа.

Пазарот Ксинфади

Големиот пазар Ксинфади има неколку делови. Оние каде што се продава месо и риба во денеска се затворени, а ги чува полиција и воената полиција.

Делот на кој се продава овошје остана отворен.

Службените медиуми известија дека вирусот на пазарот е детектиран на површините кои служат за сечење увезено месо од лосос.