Ново училиште е решение за наставата во Идризово
Се договоривме да најдеме долготрајно решение, а тоа е изградба на нов училишен објект во Идризово, не само за децата Албанци, туку за сите деца од ова село – оваа изјава на министерот за образование и наука Арбр Адеми, помина со овации од родителите на дечињата ученици. Целта е да се надмине проблемот што настана откако децата-Албанци од шесто одделение одбија да посетуваат настава од причина што нема можност за следење на наставата на албански јазик.
– Но, во меѓувреме консултациите продолжуваат, што од понеделник? Каде овие деца ќе продолжат со наставата? Така што Наредните денови, почнувајќи уште од утре, иако не е недела, ќе продолжиме заедно со градоначалникот, заедно со пратениците, со консултациите, да бараме решение кое ќе прифатливо и за децата од шесто одделение – рече Адеми.
Градоначалникот на Гази Баба, Борис Георгиевски изјави дека заеднички и со родителите ќе бараат решение.
-Разговараме и за долгорочно решение каде што треба да имаме нова училишна зграда каде што жителите од Идризово и Дрма бидејќи е во непосредна близина, ќе имаат нова современа зграда каде што ќе ги приберат дечињата и Македонци и Албанци од овој реон – изјави градоначалникот на Гази Баба, Борис Георгиевски.
На средбата присуствуваа пратениците од ДУИ и СДСМ, Артан Груби и Мухамед Зекири.