Ново правило: Кој ја прифати Суперлигата, „лета“ од Серија А!
Јувентус, Интер и Милан повеќе сакаа, остатокот од Италија се исплаши дека ќе добие помалку и засекогаш ќе ја загуби финансиската трка со трите најголеми клуба од Апенините.
Би изгубиле и првите луѓе на италијанскиот фудбал, секако финансиски, па затоа реагираа денеска со цел да се спречи можноста ваквите испади да се повторат во иднина, во овој случај неуспешниот проект „Суперлига“.
Имено, Италијанците воведоа нова регулатива според која клубовите доколку прифатат учество во приватни натпреварувања кои не ги признаваат ФИФА, УЕФА и националната фудбалска асоцијација ќе бидат исфрлени од Серија А.
Засега нема да има казни, барем не од Фудбалската асоцијација на Италија, но доколку некој одлучи да се закани дека ќе учествува во некое елитно натпреварување, тие ќе го загубат своето место во националното првенство.
Тоа е веќе и сериозен финансиски минус, а да не го спомнуваме гневот на навивачите кој би се појавил доколку некој од споменатата „тројка“ ѝ сврти грб на цела Италија.
Што се однесува до Серија А, приказната за Суперлигата веројатно е завршена. Барем до нови понатамошни информации. Секако постои опција да се прошири Суперлигата, да се игра двапати неделно и со тоа да се надоместат изгубените пари, но таквата можност во моментов не изгледа реална.
Главниот финансиер се откажа од Суперлигата: Погрешно ја проценивме ситуацијата