Глобалното затоплување предизвикано од климатските промени влијаело на Арктикот многу повеќе отколку што се мислеше, велат финските научници. Според новото истражување на научниците од Финскиот метеоролошки институт во Хелсинки, арктичкиот регион се загреал речиси четири пати побрзо од глобалниот просек во последните 43 години, пренесуваат странските медиуми.

Некои области на Арктичкиот Океан се загреале седум пати побрзо од планетата како целина. Климатските модели досега го прецениле ефектот на таканареченото поларно засилување, според научникот Мики Рантанен.

Минатите студии покажаа дека Арктикот се загрева двојно побрзо од другите области, додека работната група на Арктичкиот совет со седиште во Тромсе, Норвешка, во март 2021 година објави дека зголемувањето на просечната температура на Арктикот помеѓу 1971 и 2019 година било 3,1 степени Целзиусови, што е околу три пати повеќе од глобалниот просек.

Финските научници повисоките бројки ги припишуваат на силното и постојано затоплување на Арктикот, но и на дефиницијата за Арктикот – целата област која се наоѓа во арктичкиот круг, како и на фактот дека тие собирале податоци од 1979 година – годината кога станале достапни подетални сателитски слики.

Според научниците, степенот на поларните амплификации е последица на климатските промени предизвикани од човеки фактори, како и природни долгорочни климатски флуктуации. Двата фактори во изминатите 43 години допринеле за оваа алармантна состојба.