Новиот закон за Јавното обвинителство доставен во Собранието
Денеска до Собранието на РСМ беа доставени Предлог законот за ЈО и Предлог законот за именување и дополнување за Советот на ЈО. Истите се архивирани од собраниските служби.
Според информациите, Претседателот Талат Џефери во моментов е на седница, што ќе заврши истата ќе ги разгледа предлозите и ќе постапи согласно Деловникот.
Инаку, Владата на вчерашната 146. седница, со која претседаваше премиерот Заев, го усвои новиот текст на предлог-законот за Јавното обвинителство, при што беше донесена одлука да бидат испратени на усвојување во Собранието со европско знаменце и во скратена постапка.
Министерството за правда предложи, а Владата прифати, во собраниска постапка да биде пуштен и предлог-законот за изменување и дополнување на Законот за Советот на јавните обвинители заради терминолошко усогласување со предлог-законот за Јавното обвинителство.