Ново-стариот претседател на Вардар, Михајло Михајловски потврди дека од 1 јуни и официјално го презема водењето на европскиот ракометен шампион.
Михајловски истовремено најде начин и како да се заштити од долговите кои ги остави Сергеј Самсоненко иако Русинот ветува дека се ќе биде подмирено до крајот на годината. За

да се заштити од евентуалното неподмирување на долговите од страна на Самсоненко, Михајловски клубот го регистрира како нов субјект со додавка во името, Вардар 1961.

– Во последна фаза сме на преземање на клубот од Сергеј Самсоненко, потоа ќе пристапиме кон тоа да го регистрираме новиот субјект, кој ќе има придавка, Вардар 1961. Нашата цел е да изградиме тим кој ќе може со актуелниот кадар да доаѓа до 1/4-финале во ЛШ, можеби Ф4, силен тим за СЕХА лигата и двојна круна во Македонија – изјави Михајловски за ТВ Телма.