Откако заврши вчерашниот Централен Одбор на СДСМ, јавноста дозна дека Коста Петров е предлог за нов потпретседател на СДСМ.

Петров кој во своето богато резиме содржи пејачки и авторски способности, нема големо искуство во политика, како што и самиот соопшти на својот Фејсбук профил, но одлуката да биде потпретседател на СДСМ ја донел со намера да помогне таму каде што тој мисли дека може да придонесе.

Тој е најпродаван македонски автор со неговото дело „Се гледаме на врвот“ и автор на интернационално признатата книга „The Fear“. Тој е и уредникот и креативниот гениј зад „The Little Black Book of PR“ – првата книга за односи со јавност, напишана од практичари за практичари.

https://www.youtube.com/watch?v=nCz5JOTUW8s

Покрај тоа, тој е основач на P World, светската, водечка агенција за настани, која работи во 35 земји во Европа, Блискиот Исток, Централна Азија, Африка и Северна Америка. Исто така, P World е првата агенција за настани, која има организирано интернационален бизнис-собир во Исламската Република Иран.

Две години по ред , Петров беше вклучен во листата на највлијателни професионалнци за настани во Југоисточна Европа на Kongres Magazine. Тој е и дописник за американското издание на Huffington Post и редовен говорник за односи со јавност, лидерство и претприемачи на различни настани во светот.

Петров, како нов потпретседател на СДСМ, ќе им се придружи на Мила Царовска, Оливер Спасовски, Дамјан Манчевски и Мухамед Зеќири.