Новиот менаџер Тен Хаг им верува на осум играчи на Манчестер јунајтед
Ерик Тен Хаг од следната сезона ќе ја преземе улогата на менаџер во Манчестер Јунајтед доаѓајќи како наследник на Ралф Рангник.
„Дејли Мејл“ пишува дека холандскиот стратег избрал осум играчи на кои може да им верува во својот тим. „Телеграф“ објави дека Тен Хаг сака да донесе одбранбен фудбалер кој ќе игра покрај Хари Мегваер.
Британците пишуваат и дека стручњакот размислува дали Маркус Рашфорд може да се врати во претходната форма или да се пресели на клупата, а во слична ситуација е и крилниот играч Арон Ван-Бисака.
Се најавува преоден рок со голем број промени, како што се заминувањата на Пол Погба, Хуан Мата, Џеси Лингард и Единсон Кавани. „Дејли Мејл“ пишува дека привремениот менаџер Рангник смета дека на Јунајтед му требаат дури 10 нови играчи, од кои двајца напаѓачи.
Според изјавите на новиот селектор на Австрија, најверојатно Кристијано Роналдо следната сезона ќе игра за Јунајтед.
– Двајца или тројца нови напаѓачи треба да дојдат следната сезона, тоа е прилично очигледно. Со оглед на тоа што тренер ќе биде Ерик Тен Хаг, сигурен сум дека Јунајтед ќе има подобар тим следната сезона – рече Рангник по победата над Брентфорд.