Денеска ќе започне полагањето заклетва на новите градоначалници на четири општини на северот на Косово, пренесува Газета експрес.

Прв заклетва ќе даде членот на движењето Самоопределување и нов градоначалник на Северна Митровица, Ерден Атиќ.

Како што пренесува Газета експрес, заклетвата на новиот градоначалник ќе се одржи во еден од објектите на општина Северна Митровица.

Претседателот на Собранието на Општина Северна Митровица, Неџат Угљанин, вчера истакна дека подготовките за положување заклетва на новиот градоначалник Ердан Атиќ се во завршна фаза, додека од косовската полиција изјавија дека се подготвени инаугурацијата да помине без инцидент.

Српскиот претседател Александар Вучиќ изјави дека ситуацијата на северот е многу тензична и рече дека „лажните градоначалници никогаш нема да бидат прифатени“