Околу 600 новинари и медиумски работници денеска се вакцинираа против ковид-19. Дел од нив пред камерата на Слободна ТВ ги охрабрија граѓаните да не се двоумат и без страв да се пријават за вакцинирање, бидејќи како што велат, поголема е опасноста од самиот вирус, отколку од вакцината која е наменета за да се спаси човештвото од пандемијата поради која животот го изгубија голем број граѓани, а во колапс е не само здравствениот систем, туку и економијата.