Нови случаи на мистериозниот вирус во Кина
Светската здравствена организација предупреди дека е можно ширење на епидемија.
Нови четири случаи на мистериознот вирус, Коронавирус 2019, во храдот Вухан, Кина биле откриени од страна на кинеските здравствени власти.
Кај четворицата пациенти е констатирано воспаление на белите дробови, што е еден од симптомите на вирусот. Сепак, пациентите се во стабилна состојба.
Новите случаи предизвикаа загриженост дека болеста може и натаму да се шири.
Околу 50 луѓе досега се заразени и тоа сите од Вухан или жители од околните места кои го посетиле градот.
Светската здравствена организација предупреди дека е можно ширење на епидемија, со оглед на тоа што голем број Кинези патуваат во странство, особено што од следната недела почнуваат новогодишните празници.
Освен во Кина, вирусот се појавил и во Тајланд, но повторно бил забележан кај двајца граѓани на кинескиот град Вухан.
Во подгрупите на коронавирусите влегува и САРС.