Нови случаи на Ковид-19 во Грција: 18 лица се заразиле на свадба во Еврос

Маската треба веќе да стане наш постојан придружник, како што се нашите клучеви, очилата, нашиот мобилен телефон. Ги избегнуваме масовни собири и забавувањето во места со многу гужва, рече Мицотакис.

Од ден на ден се зголемува бројот на нови случаи на Ковид-19 во Грција, а денеска Националната организација за јавно здравје соопшти 124 новозаболени, од кои 15 се по направените тестови на влезните точки во државата, јави дописничката на МИА од Атина.

Според грчките медиуми, најголемиот број од новите случаи се во Солун и Атина, по 22 заболени лица, во Еврос има 18 – сите се од одржана свадба, а во Лариса заразени се и шест лекари од две болници.

Денеска беше соопштен уште еден смртен случај со што бројот на починати се зголеми на 210 лица, а од почетокот на епидемијата регистрирани се 4.973 случаи на коронавирусот.

Грчкиот премиер Кирјакос Мицотакис, говорејќи утрово на состанокот преку видеоконференција со надлежните министри и епидемиолози за Ковид-19 рече дека „зголемениот број случаи се должи на опуштеноста во внатрешноста на земјата во однос на мерките во текот на јули” и им порача на граѓаните да носат маска во затворени простори и надвор доколку има гужва, но и да не им веруваат на теориите на заговор.

-Маската треба веќе да стане наш постојан придружник, како што се нашите клучеви, очилата, нашиот мобилен телефон. Ги избегнуваме масовни собири и забавувањето во места со многу гужва. И секако, ги отфрламе теориите на заговор кои повикуваат на недисциплина во однос на мерките што се препорачани, не од државата, туку од стручните научници, со цел да се заштити јавното здравје на сите, рече Мицотакис.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот