Собирот во Подгорица почна со молебен во Храмот на Христовото воскресение, од каде тргна литијата низ улиците на Подгорица. Литиите ги предводи митрополитот црногорско приморски Амфилохије.

Пред подгоричкиот храм доминира српската тробојка со огромни размери, додека насобраните извикуваат „Не ги даваме светиите“.

Во текот на литиите дојде до препирка на двајца учесници, а инцидентот го спречиле редарите, пренесоа „Вијести“.

Свештениците пред прошетката порачаа да се почитуваат мерките на Националното координативно тело за заразни болести и да се држи дистанца.

Им порачаа на граѓаните, освен икони, свеќи и крстови да не носат ништо друго и ако има инциденти „тоа не го направил никој кој припаѓа со нас“. Им рекоа на граѓаните да го снимат секој кој ќе предизвика инцидент.

Собири се одржани и во Бар, Будва, Даниловград, Плужани и други места, пренесува РТЦГ.

Од полициската управа претходно соопштија дека ќе ги обезбедуваат сите собири кои ќе бидат пријавени уредно, а како што се наведвуа, не е дозволена литијата во Бијело Поље зошто навреме не била пријавена.