Нови проблеми за Србија: Влаховиќ неизвесен за Камерун
Селекцијата на Србија продолжува да се соочува со проблеми на Светското првенство во Катар.
За натпреварот со Камерун неизвесен за настап е Душан Влаховиќ, пренесува „Спорт Клуб“. Напаѓачот на Јувентус во натпреварот против Бразил почувствувал болка и едвај го доиграл натпреварот до крај.
Еден после натпреварот неговата ситуација не се подобрила, па затоа неговиот настап во понеделник против Камерун е под голем знак прашалник. Според „Спорт Клуб“ извесно е дека тој нема да биде во почетните 11.
Во таборот на српската репрезентација сите се надеваат на брзо опоравување и на Сергеј Милинковиќ Савиќ. Офанзивниот играч за врска се повреди во почетните минути против Бразил. Добри вести има со Александар Митровиќ кој ја надминал повредата и скоро сигурно ќе биде во старниот состав. Филип Костиќ се уште не се опоравил, па и неговиот настап е незивесен.